Националниот Совет на инвалидски организации на Македонија (НСИОМ) е асоцијација на :

• Сојузот на слепи;
• Сојузот на глуви и наглуви;
• Сојуз на телесно инавалидизирани лица;
• Републички центар за поддршка на лица со интелетуална попреченост – Порака;
• Сојуз на инвалиди од војната;
• Федерација за спорт и рекреација на инвалидите и
• Сојуз на инвалидите на трудот.

Советот заедно со неговите членки, повеќе од 50 години организирано и во континуитет се бори за остварување на правата на лицата со инвалидност, и преку мрежата од 136 општински, меѓуопштински и регионални здруженија во кои членуваат околу 90 000 инвалиди има значајна улога во организирањето на лицата со инвалидност на локално, регионално и државно ниво.

Советот со своите членки, само во последните неколку години успеа да се избори за донесување или измени и дополненија на повеќе закони кои се однесуваат за лицата со инвалидност и тоа : Закон за вработување на инвалидни лица, Закон за социјална заштита, Закон за спорт, Закон за јавни патишта, а покрена и иницијатива за донесување на Закон за повластици во јавниот патен сообраќај, измена на Правилникот за индикации за остварување на правото на ортопедски и други помагала, за ослободување од даноци и царини, измена на Законот за цивилни инвалиди од војната, донесување на Закон за инвалидски организации, Закон за игри на среќа.

Членувањето во НСИОМ се заснова на доброволна основа и членувањето во НСИОМ не значи губење на самостојноста на нејзините членки, туку напротив, сите седум организации се потполно самостојни, тие се посебни правни лица со свој Статут и со своја програма.

Со членувањето во НСИОМ, членките организирано пристапуваат кон решавање на заедничките проблеми, кои се однесуваат за сите лица со инвалидност. Заедничкото делување на сите членки допринесува поквалитетен пристап и полесно решавање на проблемите со кои се соочуваат лицата со инвалидност.

Реализирањето на програмата на НСИОМ е од интерес на сите лица со инвалидност и таа произлегува од нивните заеднички потреби.