Сојузот на слепи на Република Македонија (ССРМ) е формиран уште во далечната 1946 година, дејствува како национална, невладина и непрофитна организација од посебно општествено значење. Во Сојузот, чадор организација, преку своите 18 здруженија на слепи лица, членуваат 2000 членови – слепи лица (лица кои на подоброто око со корективно стакло гледаат најмногу 10%).

Сојузот води целосна грижа за членовите, - слепи лица – почнувајќи од откривањето, упатувањето на школување, описменување на Брајово писмо, рехабилитација, вработување, приспособување на работните места, набавка на тифло - технички помагала неопходни за зголемување на независноста на слепите лица во секојдневниот живот и др. Сојузот развива активности за :

• Оспособување на слепи лица за вршење на основните активности за подобрување или компензација на загубената функција;
• Предлага мерки за примена на стандарди и насоки за отстранување на пречките и обезбедување на пристап на слепите лица во физичката околина;
• Развој на духовната и физичката култура на слепите лица преку обезбедување на пристап и достапност на слепите лица до информациите и комуникациите (производство на Брајови и звучни книги, повеќенаменски списанија, фоно и Брајова библиотека за слепи, оргнизира и создава услови за работа на сопствени културно уметнички друштва, клубови и организаира културно – уметнички манифестации, развивајќи го музичкиот и радиоаматеризмот, спортот и шахот);
• Организирање на кампањи за подигање на свеста на населението за надминување на негативниот однос и предрасудите кои пстојат за слепите лица, предлага мерки и иницијативи за зголемување на социјалната заштита на слепите лица и друго.

Контакт информации:
Адреса: ул. "29 Ноември" 46, 1000 Скопје
Тел: 02/31-13-662
Е-mail: macuob@freemail.com.mk