ФСРИМ е формирана 1965 година. Таа ги развива, креира, обединува и репрезентира спортско рекреативните активности на инвалидизираните лица во република Македонија. Програмските задачи се реализираат преку 17 општински организации, организирани во 3 региони. Федерацијата е член на Македонскиот олимписки комитет и Меѓународниот параолимписки комитет како и друго меѓународни организации од оваа област, а тесно соработува со Агенцијата за млади и спорт на РМ. Со спортско рекреативни активности се занимаваат околу 3.000 инвалидизирани лица во Република Македонија.

Целите и задачите на Федерацијата се :

• Откривање, евидентирање и вклучување на инвалидизирани лица во спортски активности;
• Утврдува организација, пропозиции, критериуми и норми по одделни спортови;
• Организира домашни и меѓународни натпревари, со своите спортисти и нивните меѓународни настапи ја афирмира Република Македонија во светот;
• Се грижи за унапредување и школување на сопствени стручни кадри, развива соработка со ортопедски заводи за изработка на адекватни помагала на спортистите;
• Се грижи за популаризација на спортската активност на инвалидизираните лица;
• ја составува репрезентацијата на Република Македонија за инвалиди за учество на европски, светски и други меѓународни првенства како и за параолимписките игри;
• води грижа за истражување од областа на спортско рекреативната дејност.

ФСРИМ во своите редови има спортисти освојувачи на медали од параолимписки игри, европски и светски првенства, светски, олимписки и европски рекордери.